नेपालभाषा व नेपाललिपियात छ्यलाबुलाय् व्यापकता हय्गु आज्जुकथं नेसं ११३६ सिल्लाथ्व श्रीपञ्चमी, शनिवाःकुन्हु छ्यलाबुला ज्यासः चाःगु जुल । थ्व छगू नेपालभाषा व नेपाललिपि छ्यलाः ज्या याय्गु नापं थ्व लिसे स्वापू दयाच्वनीगु मेमेगु ज्या याय्गु ज्यासः खः । थुगु व्यवसाय फर्मया नां हे छ्यलाबुला जुयाच्वंगु कथं थन ज्वीगु ज्याय् नेपालभाषा व नेपाललिपि छ्यलेगु नापं छ्यय्केगु कुतः यानावयाच्वंगु दु । नेपालभाषा व नेपाललिपियात छ्यले ज्यूथाय् तक छ्यलाः ग्राफिक डिजाइन व प्रिण्ट यानाः थःगु मौलिकता ब्वय्गु कुतः नापं प्रचार प्रसार याय्गु ज्या थुगु ज्यासलं जुयाच्वंगु नं जुल । थुगु कुतःकथं हे ग्राहकत नं उत्साहित जुयाः थःगु ज्याय् नं छ्यलेमाः धकाः वाःचाःगु दु ।
छ्यलाबुला ज्यासःया विषेशता धयागु हे नेपालभाषा व नेपाललिपिया थीथी ज्या याय्गु खः नापं छुं नं ज्याय् नेपालभाषा व नेपलालिपियात दुथ्याकेगु कुतः खः । नेपालभाषा व नेपाललिपियात भिंक छ्यलाः सेवा बीगु, सम्पादन व भाय्हिलेगु, ग्राफिक डिजाइन व थ्व नापं स्वाइगु थीथी ज्यात ज्वी ।
यल महानगरपालिकाया १६ वडा, खाछेँय् छ्यलाबुला ज्यासःया ज्याकू जुयाच्वंगु दु । थुगु ज्यासः महानगरपालिकाय् व्यवसाय दर्ता व आन्तरिक राजश्व विभागय् स्थायी लेखा नम्बर कयाः दर्ता जुयाच्वंगु दु ।
छ्यलाबुला ज्यासःया मूज्यात –
– नेपालभाषाया छ्यलाबुला, सम्पादन व भाय्हिला
– नेपाललिपिया छ्यलाबुला, लिपियान्तर व ग्राफिक डिजाइन (सफू, पत्रपत्रिका, ब्वनापौ, दसिपौ, हनापौ, सुभाय्, लोगो, लुमन्तिचिं आदि माःकथं)
– मेमेगु सेवाकथं थीथी प्रिण्ट, फोटोकपि, लामिनेशन, लुमन्तिचिं, इचिङ्ग, द्वहलपा आदि ।
नेपाललिपिया छ्यलाबुला यानातयागु छुंछुं ज्याया दसु व हलंज्वलं –
लेटर हेड
लोगो
लुमन्तिचिं
ब्वनापौ
भिजिटिङ्ग कार्ड